ہوا کی اہمیت
*🌟ہوا کی اہمیت🌟*
ہوا میں 21 فیصد آکسیجن اور 78 فیصد ناٸیٹروجن گیسیں پاٸ جاتی ہے جو ہوا کا تقریباً 99 فیصد بناتی ہیں۔ہوا میں موجود آکسیجن گیس زندگی کی بقا کے لیے نہایت ضروری ہے۔ہم پانی اور خوراک کے بغیر کٸ دنوں تک زندہ رہ سکتے ہیں مگر آکسیجن کی غیر موجودگی میں ہم پانچ منٹ تک بھی زندہ نہیں رہ سکتے۔
ہوا میں موجود آکسیجن نہ صرف زندہ رہنے کے لیے ضروری ہے بلکہ چیزوں جیسے لکڑی،کوٸلہ،ڈیزل،پیٹرول اور قدرتی گیس یعنی میتھین کے جلنے کے عمل یعنی کمبسشن کے لیے بھی ضروری ہے۔راکٹس میں عموماً ہاٸیڈروجن گیس(ماٸع حالت میں) کو بطور فیول استعمال کیا جاتا ہے یعنی اسے جلایا جاتا ہے۔چونکہ ہاٸیڈروجن کو جلنے کے لیے آکسیجن کی ضرورت ہوتی ہے اور خلا میں آکسیجن نہیں ہوتی یہی وجہ ہے کہ خلا میں جو راکٹ بھیجے جاتے ہیں ان میں اس گیس کو ماٸع حالت میں راکٹس میں ذخیرہ کیا جاتا ہے۔
ہمارے اردگرد موجود ہوا ایسا میڈیم ہے جس کی بدولت ہم ایک دوسرے سے بات چیت کرسکتے ہیں۔آپ خلا میں ایک دوسرے سے بات چیت نہیں کرسکتے کیونکہ وہاں ہوا میں موجود نہیں ہے۔
روزانہ خلا سے کٸ بڑے پتھر جنہیں شہاب ثاقب کہا جاتا ہے زمین کے ایٹموسفیر میں داخل ہوتے ہیں مگر ہوا کی ہوا کی رگڑ سے جل کر بھسم ہوجاتے ہیں۔
ہوا کو بطور کاٸ نیٹک انرجی استعمال کر کے بجلی پیدا کی جاتی ہے۔پہاڑ کی چوٹی اور سمندر کا ساحل یا ایسے علاقے جہاں تیز ہواٸیں چلتی ہیں وہاں بڑے بڑے پنکھے لگادیے جاتے ہیں جنہیں ونڈ ٹرباٸن یا پن چکیاں کہا جاتا ہے۔ان ونڈ ٹرباٸن میں جنریٹر نصب کیے جاتے ہیں جو پنکھوں کے گھومنے سے چلتے ہیں اور بجلی پیدا کرتے ہیں۔
ہوا میں ناٸیٹروجن اور آکسیجن کے علاوہ کچھ مقدار(0.04 فیصد)میں کاربن ڈاٸ آکساٸیڈ بھی پاٸ جاتی ہے۔یہ گیس پودوں کے لیے بہت ضروری ہے۔پودوں کے پتے سورج کی روشنی اور اس گیس کو استعمال کر کے خوراک تیار کرتے ہیں۔
ہوا میں موجود ناٸیٹروجن گیس کو ہوا سے الگ کر کے اسے ٹھنڈک پیدا کرنے والے مواد یعنی کولنگ ایجنٹ کے طور پر استعمال کیا جاتا ہے۔میڈیکل فیلڈ کے شعبہ میں خون منجمد رکھنے اور مختلف قسم کی دواٶں کو بہت کم درجہ حرارت پر ٹھنڈا رکھنے کے لیے اس گیس کو بطور کولنگ ایجنٹ استعمال کیا جاتا ہے۔
ہوا میں معمولی مقدار میں آرگون گیس بھی پاٸ جاتی ہے۔اس گیس کو بلب میں استعمال کیا جاتا ہے کیونکہ یہ زیادہ درجہ حرارت پر بھی دھاتوں کے ساتھ باآسانی کیمیاٸ تعامل یعنی کیمکل ری ایکشن نہیں کرتی۔
ہوا میں اوزون گیس(O3) بھی پاٸ جاتی ہے۔یہ نیلے رنگ کی ایک زہریلی گیس ہے۔مگر اسکے باجود یہ ہمارے لیے بہت اہم ہے۔یہ سورج سے آنے والی نقصاندہ شعاعوں(الٹرواٸلیٹ ریز) کو اپنے اندر جذب کرلیتی ہے اور اسے زمی تک نہیں پہنچنے دیتی۔
تبصرے
ایک تبصرہ شائع کریں